ភ្នំពេញ៖ នាយករដ្ឋមន្ត្រីកម្ពុជាសម្ដេចតេជោ ហ៊ុន សែន បានណែនាំឲ្យយកវីដេអូកម្សាន្តមួយ (Troll) ទៅផ្សព្វផ្សាយនៅក្នុងរដូវកាលឃោសនារបស់ឆ្នោតដើម្បីណែនាំឲ្យពលរដ្ឋចេញទៅបោះឆ្នោតគ្រប់គ្នា។
នៅក្នុងពិធីជួបជាមួយនឹងកម្មករជិត ២ម៉ឺននាក់ នៅពហុកីឡាដ្ឋានជាតិមរតកតេជោ ក្នុងខណ្ឌជ្រោយចង្វារ រាជធានីភ្នំពេញ ព្រឹកថ្ងៃទី២៤ ខែមិថុនា ឆ្នាំ២០២៣ នេះដោយបានចាក់នៅវីដេអូ Troll នេះឲ្យកម្មករស្ដាប់។
វីដេអូសំឡេងនោះបានរិះគន់ទៅលើអ្នកដែលប្រឆាំងទៅនឹងការបោះឆ្នោត រួមទាំងរំលឹកអំពីស្នាដៃរបស់រាជរដ្ឋាភិបាលកម្ពុជាចាប់តាំងពីឆ្នាំ១៩៧៩ ដល់បច្ចុប្បន្ន និងការរីកចម្រើននៃប្រទេស រួមទាំងប្រាក់ចំណូលរបស់ពលរដ្ឋផងដែរ។
បន្ថែមលើននេះក្នុងវីដេអូនោះក៏បានអំពាវនាវឲ្យពលរដ្ឋអញ្ជើញទៅបោះឆ្នោតនៅថ្ងៃទី២៣ ខែកក្កដា ឆ្នាំ២០២៣ ខាងមុខផងដែរ៕